|
L'ORIGINE DE 'L NOME DE 'L PAES DE SAC
Gh'è na vecia legenda popolare
Che vol che 'l nos paès sia vegnù for,
Da 'na combinazion de quele rare,
Che sol a nominarla, bate 'l cor!
I conta che do sposi forestieri,
I fus passai ne i nossi teritori,
Avanti tanti secoi, miga algèri,
E tut de colp, i fus deventai siori !
Gh'era 'n sac de monede tute de oro,
Su la strada che fea sti furtunai,
E 'n oh! de meraviglia, zerto 'n coro,
I averàdit sti doi, come 'ncantai!
Nessuni ha mai savest come la è stada
Sti sposi no ì è nadi a zercar gnent,
La prima ca' i ha fat de sta borgada,
E de nar via, no gh'è vegnù pù 'n ment
La favola l'è questa, ma la storia,
Ladis che 'l nome, 'l vègna da 'l latim
difati gh'è, 'na storica memoria,
Che la la spiega, proprio per puntim!
Ladis che Sac 'na volta l'era porto,
"Portus navum et sagum", gh'era scrit.
De 'l legnam co le zate i fea 'l trasporto
E "sagum" voldir zate 'ne 'l so drit!
Da sta parola è derivà quel nome
De 'l nos paès, che tutti amèm de cor,
E senza nar a vèder cossa e come
Basta vardar 'l stèma su la tor!
Gh'è 'n sac co'n do persone da le bande
Tre gigli, che no so cossa vol dir;
Ma mi no vago a far tante domande
Perchè i me manda a farme benedir!
Sacco, 12 Febbraio 1939/XVII° Magnani Speranza
|
